Ilir Meta mbështet kandidatin për bashkinë e Maliqit: Garancia e vetme që pushteti lokal të vihet në shërbim të qytetarëve

Kryetari i Partisë së Lirisë Ilir Meta ka mbështetur Alfred Gegën si kandidat për kryetar bashkie në Maliq.

Meta shkruan se vlerat dhe gatishmëria e tij për të qenë pranë qytetarëve janë garanci e fortë që bashkia të jetë në shërbim të tyre.

“Mjeku humanist, Dr.Alfred Gega i dalluar për profesionalizmin dhe përkushtimin e palodhur në shërbim të njerëzve në çdo orë të ditës dhe natës e meriton plotësisht mbështetjen për të qenë Kryebashkiaku i ardhshëm i Maliqit.

Vlerat dhe gatishmëria e tij për të qenë pranë qytetarëve janë një garanci e fortë për një Bashkinë vetëm në shërbim të tyre. Falenderoj drejtuesit e Partisë të Lirisë dhe Partisë Demokratike për frymën e bashkëpunimit dhe besimit në fitore. Maliqi meriton Ndryshimin!”, shkruan Meta.